Три премиерлигаши се борат за Хујсен, а тој сака да потпише за шпански гигант!

13 мај 2025 - 17:23

Талентираниот шпански репрезентативец Дин Хујсен има неверојатна сезона со Бормут, поради што го привлече интересот од многу гиганти, меѓу кои се Челси, Ливерпул, Арсенал и Реал Мадрид.

Премиерлигашите се подготвени да го купат Хујсен, односно да ја активираат клаузулата од 50 милиони фунти, меѓутоа Шпанецот чека официјална понуда од Реал Мадрид, откако претходно кажа дека неговиот сон е да го облече дресот на шпанскиот гигант.

Реал Мадрид во следниот период треба да донесе конечна одлука дали е подготвен да ја плати откупната клаузула за младиот дефанзивец.

Фото: Facebook/AFC Bournemouth