Тотнем остана и без спортски директор поради казна од ФИФА

29 март 2023 - 13:28

Фабио Паратичи доби забрана да се занимава со активности поврзани со фудбалот ширум светот, па тоа значи дека Тотнем остана и без спортски директор, откако пред неколку дена го отпушти тренерот Антонио Конте.

Паратичи беше вклучен во фалсификување на финансиски извештаи на Јувентус за време на пандемијата на ковид-19, по што италијанската фудбалска асоцијација му изрече суспензија на 30 месеци.

Суспензијата важеше само во Италија, но Светската фудбалска федерација (ФИФА) реши да ја прошири забраната и во останатите земји, па така Паратичи остана без работа.