Тер Штеген во војна со Барселона - бара 42 милиона евра за да си оди

Тоа го става Марк Андре Тер Штеген во неповолна позиција бидејќи иако капитен, нема да биде прв избор на голот ако остане, а тој самиот не сака да си оди. По репрезентативните обврски во Лигата на нации, искусниот голман се врати во Барселона и побара итен состанок со раководството на клубот, но проблем е тоа што спортскиот директор Деко и тренерот Ханси Флик се на одмор.

Германецот нема намера да се откаже без борба, а уште пред да замине на собирот на репрезентацијата најави дека максимално ќе ѝ ја отежне работата на Барселона. Тоа значи дека ќе си ги бара сите пари од договорот што е до важност до 2028 година и кој треба да му донесе вкупно 42 милиона евра.

На Барселона секако не ѝ одговара тоа, па ќе мора да најде соодветно решение, а за тоа време на адреса на Тер Штеген пристигнуваат понуди. Заинтересирани се клубови од Саудиска Арабија, потоа Галатасарај, како и Милан кој летово најверојатно ќе остане без Мењан.