Севиља ја прегази Барса, па доживеа дебакл од Мајорка (ВИДЕО)

18 октомври 2025 - 16:01

Фудбалерите на Севиља само еден натпревар по победата над Барселона во претходното коло од 4-1, денеска беа поразени од Мајорка која на гостински терен запиша триумф од 3-1.

Не изгледаше дека Мајорка ќе успее да слави на ова гостување кога Варгас по асистенција од Кармона ги доведе домаќините во водство во 16-тата минута. Севиља со предност замина и на паузата.

Во вториот дел Мајорка три гола постигна во период од само десет минути. Прво Муричи израмни на 1-1 во 67-та минута, а потоа Жозеф со два гола во 72. и 77. минута обезбеди водсво за гостите.

Севиља до крајот не успеа да се врати, па мораше да се помири со поразот. За Мајорка која сега има осум бодови ова беше само втор триумф во сезоната, додека Севиља остана на 13 на седмата позиција.