Сепак, промена на планот: Алаба се враќа

28 декември 2024 - 22:39

Иако пред три дена шпанските медиуми објавија дека е одложено враќањето на Давид Алаба во тимот на Реал, тоа сепак ќе се случи веќе во вторник.

За 30 декември е закажано приклучувањето во полн погон на австрискиот интернационалец на тренинзите на шпанскиот и европски шампион по пауза од дури една година и 13 дена. Веројатно нема веднаш да биде фрлен в оган и да заигра на официјални натпревари, но можеби до крајот на јануари ќе се најде во протоколот на некој од дуелите на неговиот тим.

Алаба ја игра четвртата сезона во Реал и има уште една година од договорот. Досега забележа 101 настап во сите натпреварувања и освои вкупно седум трофеи: по два во Ла Лига и Лигата на шампионите и по еден во Суперкуповите на Шпанија и Европа, плус еден во Копа дел Реј.