Шпанците тврдат: Реал Мадрид договорил големо засилување

29 декември 2024 - 14:38

Десниот бек на Ливерпул, Трент Александер-Арнолд наредната сезона ќе го носи дресот на Реал Мадрид, тврдат реномираните медиуми од Мадрид, „Марка“ и „АС“.

Договорот на одличниот фудбалер со Ливерпул му истекува на крајот од сезоната, но извесно е дека нема да биде продолжен, па од 1 јануари тој би бил слободен да потпише договор со Реал Мадрид.

Според информациите на „Марка“ Арнолд веќе ги известил челниците на Ливерпул дека нема намера да ја продолжи соработката, а истовремено „АС“ тврди дека неговиот трансфер во Мадрид е 90% завршена работа.

Операцијата била забрзана во последните недели и наводно голема улога одиграл пријателот на Арнолд, Џуд Белингем кој втора сезона успешно го носи дресот на „кралевите“.

Сепак, треба да се знае дека иако договорот би бил потпишан, Арнолд во таборот на гигантот од „Сантијаго Бернабеу“ би се преселил на лето.

Во актуелната сезона зад своето име Арнолд има 22 натпревари во сите натпреварувања со уште пет асистенции.