Оклахома преку Минесота до 12. победа во низа, Спарс убедливи против Клиперс (ВИДЕО)

01 јануари 2025 - 10:04

Eкипата на Оклахома продолжи со одличните настапи и во изминатата вечер славеше победа над Минесота од 113-105 и тоа за овој тим беше 12-та во низа.

Станува збор за најдолгата победничка серија во клупската историја откако овој тим се пресели во Оклахома. Против Минесота најрасположен беше Гилџус Александер кој уфрли 40 поени. Натпреварот со дабл-дабл учинок го заврши Хартнштајн, а најефикасен кај поразените беше Едвардс кој дојде до 19 поени.

На победа во новогодишната вечер се израдува и Сан Антонио кој беше убедлив против Клиперс со 36 поени (122-86). Главен на паркетот беше Вембањама со 27 поени, 9 скокови и 5 асистенции.

НБА РЕЗУЛТАТИ:

Сан Антонио – ЛА Клиперс 122-86
Оклахома Сити – Минесота 113-105
ЛА Лејкерс – Кливленд 110-122
Феникс – Мемфис 112-117