Само Роналдо стигна побрзо до 50 гола во дресот на Реал

17 септември 2025 - 09:29

Со синоќешните два гола, Килијан Мбапе стигна до првиот јубилеј во дресот на Реал Мадрид - 50 гола во сите натпреварувања.

За тоа му беа потребни 64 натпревари одиграни за 13 месеци колку што поминаа од неговото деби. Минатата сезона беше најдобар стрелец во Ла Лига, а сега се заканува истото признание да го добие и во Лигата на шампионите.

Побрзо од Мбапе до бројката од 50 гола во историјата на Реал стигнал само Кристијано Роналдо. На Португалецот му беа потребни само 54 натпревари, а рекордот, кој веројатно уште долго ќе трае, го постави во 2010 година.