Салах му се налути на Ливерпул и го избриша од Инстаграм профилот (ФОТО)

24 октомври 2025 - 11:36

И покрај тоа што сите навивачи на Ливерпул го сметаат за жива легенда на клубот, Мохамед Салах во последно време им оди на нерви на истите поради слабата форма која се одразува и на резултатите на тимот.

„Црвените“ беа во серија од четири порази во сите натпреварувања која е прекината со триумфот против Ајнтрахт во Лигата на шампионите. Токму на тој меч менаџерот Арне Слот одлучи да го остави Египќанецот на клупа и тој не беше дел од стартната постава. Во игра влезе во 74. минута и веројатно револтиран од одлуката на менаџерот, постојано сам ги завршуваше акциите што исто така предизвика лутина кај навивачите.

Дека не му е сеедно тоа што не е стартер, потврда е потегот на Салах во текот на вчерашниот ден. Од својата биографија на Инстаграм профилот, тој го тргна Ливерпул, па сега не пишува дека е фудбалер на овој клуб.

Ова веројатно е јасна назнака дека Салах ја игра последната сезона во Ливерпул и дека од идната година ќе носи дрес на друга екипа.