Реал Мадрид експресно го назначи наследникот на Алонсо (ФОТО)

12 јануари 2026 - 18:49

Шпанскиот гигант Реал Мадрид го избрка тренерот Чаби Алонсо по поразот од Барселона во финалето на Суперкупот, а управата не чекаше долго пред да назначи негова замена.

Алонсо разочара со резултатите на кормилото на „кралевите“ во првиот дел од сезоната, а поразот против Барселона дополнително го налути Флорентино Перез.

На кормилото на екипата од Мадрид експресно беше назначен Алваро Арбелоа, кој во кариерата го носеше и дресот на „кралевите“, а играше и за екипи како Ливерпул, Депортиво Ла Коруња и Вест хем.

Арбелоа претходно го тренираше Реал Мадрид Кастилја, а сега доби шанса да се покаже во првиот тим на „кралевите“.

Фото: Facebook/Fabrizio Romano