Пропадна трансферот на Дибала во Тотнем

08 август 2019 - 12:11

Иако речиси сѐ беше договорено за Пауло Дибала да се пресели од Јувентус во лондонски Тотнем, трансферот на аргентинскиот репрезентативец сепак нема да се случи и тој дефинитивно пропаѓа.

Уште доцна синоќа англиски медиуми објавија дека Јувентус и Тотнем се договориле за трансфер вреден 65 милиони фунти, а Дибала постигнал начелен договор за своите услови, па остана само да се реши делот околу имиџ-правата и процентите од продажба. Но, токму тоа беше најголема пречка за реализација на трансферот.

Италијанскиот новинар Танкерди Палмери објави пред половина час дека имиџ-права и проценти не се решаваат за три часа, а потоа ББЦ објави дека трансферот пропаѓа и дека Јувентус се повлекол од преговорите, зашто Тотнем немал намера да ги плати процентите, а Товарот требало да падне на „старата дама“ и таа да загуби 12 милиони фунти од парите што планирале да ги заработат.