Пресврт: Алвеш ослободен од обвинувањата за силување поради кои - скапа во затвор!

28 март 2025 - 12:40

Апелацискиот суд во Барселона го ослободи поранешниот бразилски фудбалер Дани Алвеш од обвиненијата за силување, откако првично беше прогласен за виновен за напад во ноќен клуб во 2022 година.

Алвеш, кој во кариерата настапуваше за Барселона, Јувентус и ПСЖ, беше осуден на четири ипол години затвор во март минатата година, но по 14 месеци во притвор, беше пуштен на слобода со кауција од еден милион евра. И покрај ослободувањето, на Бразилецот му беа одземени двата пасоши – бразилскиот и шпанскиот. Тој беше обврзан секој петок да се јавува во судот, не смееше да ја напушти Шпанија и мораше да плати 150.000 евра отштета на жртвата.

Сепак, пресврт во случајот се случи кога судот оцени дека сведочењето на жртвата не е доволно за да се задржи првостепената пресуда. Алвеш е еден од најтрофејните фудбалери во историјата, освојувајќи 42 титули, меѓу кои три Лиги на шампиони со Барселона и два Копа Америка со Бразил. Најголемиот успех го постигна во Барселона, каде што меѓу 2008 и 2016 година освои 23 трофеи.