„Перез ќе го продаде Винисиус ако добие понуда од 300 милиони евра“

29 декември 2024 - 21:32

Еден од најважните фудбалери на Реал Мадрид е Винисиус Жуниор, меѓутоа не се исклучува можноста да го напушти гигантот и да побара нов предизвик во кариерата.

Поранешниот скаут на клубот, Маноло Ромеро тврди дека постои можност за такво сценарио, но само ако пристигне понуда од 300 милиони евра.

„Ако пристигне понуда од 300 милиони евра за Винисиус, уверен сум дека Перез ќе го продаде. Тој лично со автомобил ќе го однесе до аеродром“, вели Ромеро.

Винисиус привлече интерес од неколку тимови од Саудиска Арабија, но засега ниту еден тим не испрати понуда до Мадрид.