Неверојатно сценарио на повидок: Халанд си оди од Сити и потпишува со Реал? (ВИДЕО)

30 октомври 2025 - 16:48

Иако во текот на летото го продолжи договорот со Манчестер Сити до 2034 година, норвешкиот репрезентативец Ерлинг Халанд би можел да го напушти премиерлигашот веќе на крајот од оваа сезона.

Бројни шпански медиуми тврдат дека тој е на излезна врата од поранешниот шампион на Англија и дека кариерата ќе ја продолжи во редовите на Реал Мадрид. Вакво сценарио е можно ако Винисиус биде продаден догодина бидејќи Реал од него ќе заработи најмалку 200 милиони евра кои потоа ќе ги инвестира во Халанд.

Халанд одамна се поврзува со Реал, а претседателот на мадридскиот клуб не ја крие својата желба да ги спои со Мбапе. Ако Винисиус си замине, тоа ќе отвори место на левата страна за Мбапе, а Халанд ќе може да игра како централен напаѓач.