Кошаркар на Шарлот им покажа среден прст на судиите, па го удрија жестоко по џебот!

30 октомври 2025 - 18:47

Ѕвездата на Шарлот хорнетс, Ламело Бол доби парична казна од 35.000 долари поради непристоен потег на паркетот во поразот на неговиот тим од Мајами хит.

Во последната четвртина, против Бол беше досуден прекршок во напад, а кошаркарот беше фрустриран со таа одлука и реши да им покаже среден прст.

Ова не е првпат 24-годишниот кошаркар да добие казна поради неговото однесување, па ова му е втора најголема казна во кариерата.

Бол претходно мораше да плати дури 100.000 долари поради користење на навредливи зборови за време на интервју по натпревар во НБА-лигата.