Неверојатно: Романски клуб ќе ја почне сезоната со минус 94 бодови!?

23 август 2025 - 20:09

Универзитатеа во минатото беше еден од најдобрите клубови во Европа, но се распадна и од него беа создадени две екипи. Еден е ФЦУ 1948 Крајова, кој тврди дека е легитимен наследник на романскиот гигант, но истиот тим се наоѓа пред тежок период.

Клубот се натпреварува во третиот ранг на романскиот фудбал, а притоа доби казна од Фудбалскиот сојуз и ќе ја почне сезоната со минус 94 бодови, односно дефинитивно би испаднал во понизок ранг.

Причина се финансиските проблеми и неисплатени долгови кон поранешни тренери, како и други обврски кои не се решени.

Клубот има рок до 3 септември да ги подмири долговите, меѓутоа мала е веројатноста дека такво нешто ќе се случи.

Фото: facebook/Fotbal Club Universitatea 1948