Арсенал го прегази Лидс, но остана без Одегард и Сака (ВИДЕО)

23 август 2025 - 20:26

Англискиот вицешампион Арсенал триумфираше со убедливи 5-0 против Лидс во второто коло од Премиер лигата, но остана без Мартин Одегард и Букајо Сака кои се повредија.

„Топчиите“ постигнаа два гола во првото полувреме, и тоа преку Тимбер и Сака, додека потоа во листата на стрелци повторно се запиша Тимбер, но два пати погоди и скапото засилување Виктор Ѓокереш.

Освен победата против Лидс, Арсенал се соочи и со проблеми затоа што се повредија Одегард и Сака, кои мораа предвреме да го напуштат теренот.

Арсенал ја запиша втората победа во англиската елита, откако во првото коло беше подобар од Манчестер јунајтед.

Фото: EPA PHOTO