Милан го промовира шестото засилување - Ноа Окафор! (ФОТО)

22 јули 2023 - 20:59

Поранешниот италијански шампион Милан потврди дека го купил 23-годишниот Ноа Окафор од Ред Бул Салцбург за 15 милиони евра.

Швајцарскиот репрезентативец потпиша договор до 2028 година и ќе го носи дресот со бројот 17 во идната сезона.

Окафор е шестото засилување на „росонерите“ ова лето, откако претходно во тимот пристигнаа Кристијан Пулишиќ, Рубен Лофтус-Чик, Тијани Рајндерс, Марко Спортиело и Лука Ромеро.

Милан преговара и со Вилјареал за потписот на Самуел Чуквуезе, а трансферот ќе го чини околу 30 милиони евра.