Лукаку промаши пенал, но Распадори му донесе пенал на Наполи (ВИДЕО)

29 декември 2024 - 17:07

Екипата на Наполи ја оствари третата победа во низа и се израмни со Аталанта на чело на табелата во Серија А откако попладнево на домашен терен, потешко од очекувањата ја совлада Венеција со 1-0.

Клучниот момент на мечот се случи во 79. минута кога Распадори го постигна победничкиот гол, но можеби се ќе беше поинаку ако во првото полувреме Лукаку погодеше од белата точка. Неговиот пенал го одбрани младиот голман на Венеција, Станковиќ кој не дозволи рано водство на домашниот тим.

Наполи беше апсолутно подобар противник на овој натпревар, упати 25 удари, но гостинскиот чувар на мрежата покажа дека се наоѓа во врвна форма. Наполи сега е на делба на првата позиција на табелата, но со натпревар повеќе од Интер кој заостанува еден бод.