Лајпциг со шест гола го растури Аугсбург, Баерн освои три бода во Менхенгладбах

25 октомври 2025 - 17:45

Фудбалерите на Лајпциг немаа милост против Аугсбург (6-0), додека Баерн Минхен се мачеше, но ја скрши Борусија Менхенгладбах со 3-0 во осмото коло од Бундеслигата.

Лајпциг постигна дури четири гола во првото полувреме, и тоа преку Диоманде, Ромуло Кардосо, Нуса и Баумгартнер, додека во вториот дел стрелаа Оедраого и Лукеба.

Баерн Минхен се мачеше еден час во Менхенгладбах, по што Кимих стрелаше за 1-0 во 64. минута, а набрзо погоди и Гереиро.

Борусија доби шанса во 75. минута од белата точка, но Стогер не реализираше пенал, па казната стигна преку Карл кој ги постави конечните 3-0.