Куртоа го бакна грбот на Реал и порача: Ми се оствари сонот!
Куртоа во Реал доаѓа за 40 милиони евра, а Челси на заем го доби и хрватскиот репрезентативец за врска Матео Ковачиќ, а Белгиецот на промоцијата го бакна грбот на „кралевите“ и порача дека со трансферот си го остварил сонот.
„Ова за мене е остварување на сонот. Сите што ме знаат, знаат колку напорно работев за да стигнем тука. Благодарност до Реал Мадрид, сега е на ред да го дадам најдоброто од себе. Од денеска мојот сон е реалност, сон кој го имав како дете, да играм на стадионот каде играле најголемите играчи. Од денеска сум мадридиста и сакам да се запишам во историјата. Хала Мадрид“, рече Куртоа.
Доскорешниот голман на Челси е поранешен чувар на мрежата на Атлетико Мадрид, па сега повеќе од сигурно е дека ќе има пеколен дочек од навивачите на црвено-белите на првото дерби на „Ванда Метрополитано.“
„Денес е среќен ден за Реал Мадрид, затоа што донесовме голем играч во извонредниот тим кој го имаме. Продолжуваме со нашата стратегија, во Реал да играат најдобриоте“, рече Флорентино Перез на промоцијата.