Крос донесе одлука за иднината на Реал Мадрид

27 март 2024 - 15:28

Новинарот Фабрицио Романо објави дека фудбалерот на Реал Мадрид, Тони Крос донел одлука да остане во шпанскиот гигант уште една сезона.

Крос решил да потпише едногодишна соработка со „кралевите“, а засега не е познато дали тоа ќе биде негова последна сезона во кариерата затоа што претходно изјави дека сака да стави крај токму во Реал Мадрид.

Германецот пристигна во Мадрид пред 10 години, а со „кралевите“ освои четири титули во Лигата на шампиони (ЛШ) и три во Ла Лига.