Јунајтед спушти рампа за Погба: Ниту за 200 милиони нема трансфер во Реал

14 август 2019 - 14:35

Фудбалерот од средниот редна Манчестер Јунајтед, Пол Погба, нема да замине од тимот од „Олд Трафорд“ во Реал Мадрид дури ни за 200 милиони евра.

Според шпански „АС“, премиерлигашот е категоричен против трансферот, па поради тоа, Погба ќе мора да помине најмалку уште една сезона во Јунајтед.

Минатата сезона, 26-годишниот Французин настапи на 47 натпревари за Манчестер Јунајтед, постигна 16 голови и забележа 11 асистенции. Неговиот договор со англискиот клуб е со важност до 30 јуни 2021 година.

Вредноста на Погба на фудбалскиот пазар во моментов се проценува на 100 милиони евра.