Интер лесно го победи Лече и продолжи да го „брка“ Наполи (ВИДЕО)

26 јануари 2025 - 19:57

Екипата на Интер немаше проблеми и славеше сигурна победа над Лече со 0-4 и така се врати на „минус три“ од Наполи кој е лидер во Серија А.

Имаше свои моменти Лече во натпреварот и знаеше на моменти да се закани, но Интер денеска едноставно беше одличен во реализацијата, па не дозволи некое изненадување.

Победата ја најави Фратези со голот во шестата минута. Мрежата на домаќините се затресе и во 24. минута и тоа повторно од Фратези, меѓутоа тој гол беше поништен по реакција од ВАР. За 2-0 до крајот на првиот дел се погрижи Лаутаро Мартинез.

Во вториот дел во листата на стрелци се запишаа уште Дамфрис и Тареми за конечни 0-4.