Хрватот е во одлична форма: Ребиќ му донесе нова победа на Милан (ВИДЕО)

17 февруари 2020 - 22:41

Вечерва се одигра и последниот меч од 24. коло во Серија А, а во него победа извојува екипата на Милан, откако на „Сан Сиро“ славеше против Торино со 1-0.

Стрелец на погодокот вреден три бода беше Анте Ребиќ во 25. минута. Хрватскиот репрезентативец се наоѓа во одлична форма и на последните седум натпревари постигна шест погодоци.

Со оваа победа „росонерите“ се искачија на осмата позиција на табелата и сега имаат 35 бода, исто како и шестопласираната Верона и седмопласираната Парма. За Торино ова е петти пораз во низа, откако претходно загубија од Сасуоло, Лече, Аталанта и Сампдорија.

По 24 одиграни кола лидер е актуелниот шампион, екипата на Јувантус, а по него следуваат Лацио и Интер.