Голманот на Милан суспендиран зашто го навредил судијата на мечот со Лацио

04 март 2025 - 19:56

Поранешниот италијански шампион Милан в сабота ќе биде без првиот голман Мајк Мањан кој е суспендиран затоа што го навредил судијата Џанлука Манганиело на мечот со Лацио (1-2).

Мањан е суспендиран на еден натпревар и казнет со 15.000 евра затоа што го навредил судијата во тунелот кој води до соблекувалните на стадионот.

Италијанската лига не откри детали од инцидентот, но Мањан беше вознемирен по крајот на натпреварот откако Лацио славеше со гол од пенал во 98. минута.