Голем хендикеп за Слот: Ливерпул подолг период без стандардниот дефанзивец!

Англискиот репрезентативец, кој е дел од Ливерпул од 2015 година, ја имаше истата повреда на почетокот на годината и не настапуваше. Се врати на теренот пред девет дена, но одигра само 11 минути во шокантниот пораз од Плимут во ФА купот, пред повторно да почувствува болка и да го напушти теренот.

„Џо ќе отсуствува со недели. Ќе му треба доста време за закрепнување, а постои можност и за операција, што би значело подолга пауза“, изјави Слот.

Менаџерот на Ливерпул додаде дека и Коди Гакпо нема да биде подготвен за мечот против Астон Вила, откако го пропушти дуелот со Вулверхемптон поради повреда. Иако тимот на Унаи Емери е без победа на последните четири првенствени натпревари, Слот очекува тежок предизвик во Бирмингем.

„Астон Вила е меѓу осумте најдобри во Лигата на шампионите, што покажува за каков тим станува збор. Одлични се на домашен терен, но и ние играме добро на гости оваа сезона“, заклучи стратегот на Ливерпул.