Француски фудбалер се „одјави“ од Турција: Ми се закануваа, поминав низ пекол!

05 јули 2025 - 12:24

Францускиот фудбалер Алан Сент-Максимин имаше жестоки обвинувања на сметка на турскиот гигант Фенербахче, каде што играше минатата сезона на позајмица.

Сент-Максимин предизвика хаос во Турција по тешките зборови кои ги упати кон тимот и го обвини дека сакале да падне на допинг-тест и постојано му се заканувале.

„Имаше секаков вид на манипулации, финансиски проблеми и лажни ветувања. Добивав закани дека ќе ми направат одредени работи. Поминав низ пекол“, раскажува Сент-Максимин.

Французинот пристигна како големо засилување во Фенербахче, меѓутоа не се прослави и на 31 натпревар постигна само четири голови и пет асистенции.