За да не играме два баражи за СП, на ЕП 2026 треба да сме најмалку на 19. место!

05 јули 2025 - 15:40

Ракометната репрезентација на Македонија ќе настапи на Европското првенство (ЕП) во 2026 во група со Данска, Португалија и Романија, а веќе го дозна и патот за настап на ракометниот Мундијал во Германија во 2027 година, кој воопшто нема да биде лесен.

Најслабите репрезентации на ЕП 2026 ќе имаат тешка задача да се изборат за место на СП во 2027 година бидејќи ќе мора да играат повеќе натпревари, а Македонија за да избегне два баражи за СП ќе мора да заврши најмалку на 19. место на ЕП 2026.

Пласманот до 19. позиција значи еден бараж во мај 2026 година, а доколку се пласираме во топ-16 ќе бидеме и носители, но за такво нешто ќе мора да победиме барем еднаш во групата со Данска, Португалија и Романија.

Повеќе за тоа што ја чека Македонија на ЕП 2026 и патот до СП 2027 може да прочитате ТУКА.