Француска легенда седнува на клупата на Лајпциг!

25 април 2025 - 10:33

Фудбалската легенда, Тиери Анри, е еден од главните кандидати за нов предводник на Лајпциг од следната сезона, откако веќе стапил во контакт со Јирген Клоп, кој има клучна улога во изборот на тренери во клубовите под капата на Ред Бул.

Во потесниот избор останале само две имиња – Анри и актуелниот менаџер на Кристал Палас, Оливер Гласнер. Австриецот има претходно искуство со системот на Ред Бул, откако беше ангажиран како спортски координатор во Салцбург, што му дава предност во разбирањето на нивната фудбалска филозофија. Во меѓувреме, Лајпциг води жестока битка за пласман во Лигата на шампионите, со оглед што е на четвртото место во Бундеслигата, но е во жестока битка со Фрајбург, Мајнц и Борусија Дортмунд. До крајот на сезоната ги очекува тежок распоред, со натпревари против Ајнтрахт Франкфурт, Баерн Минхен, Вердер и Штутгарт.

На списокот на клучни теми за иднината на клубот е и македонскиот репрезентативец Елиф Елмас, кој треба да се врати од позајмица во Торино.

ФОТО: EPA PHOTO