Флик по поразот од Виљареал: Секогаш велам дека не треба да имаме изговори, но овојпат е поинаку!

Мисијата е успешно завршена, па Флик вели дека не му е грижа за вчерашниот пораз.

„Ова беше ден за славје, не ми е грижа за поразот. Во четвртокот победивме, па славевме во петокот. Секогаш велам дека не смееме да имаме изговори, но овојпат е поинаку“, вели Флик.

Германскиот стратег имаше убави зборови за претседателот на Барселона, Жоан Лапорта.

„Претседателот Лапорта живее за Барса. Целиот негов живот се врти околу Барса. Мисли само на Барса“, рече тренерот кој им ја донесе двојната круна оваа сезона.