Викенд за паметење: Стефановски драстично го подобри македонскиот рекорд во десетобој!

Тој на собирот во Целје оствари одлични резултати во секоја од десетте дисциплини, што му донесе вкупно 6.521 бодови што е речиси 200 повеќе од претходното негово и национално најдобро остварување. Стефановски најдобри резултати оствари во скок во далечина и во фрлање ѓуле и копје, во кои постигна лични рекорди. Неговиот претходен рекорд изнесуваше 6.348 бодови остварен лани во Измир и тоа на својот прв настап во десетобој.

Тој е и државен рекордер во скок со стап, откако лани прескокна 3,65 метри со што го урна претходното најдобро остварување уште од далечната 1969 година.