Фабрегас нема против да го преземе Интер, ама Комо не го пушта

05 јуни 2025 - 08:45

Претставници на Интер вчера во Лондон имале средба со шпанскиот стручњак Цеск Фабрегас ококолу негово можно преземање на „нераѕурите“ и според информациите, работите не одат во позитивна насока.

Наводно, Фабрегас е расположен да го преземе миланскиот тим, но проблем прави раководството на Комо со кого тој има договор. Поради почит кон клубот, Шпанецот не сака да ги продолжи преговотите и најверојатно ќе ја одбие понудата од Интер. Италијански медиуми тврсат дека одлуката на Комо да не го пушти својот тренер не е единствен проблем бидејќи при разговорите со луѓето од Интер, Фабрегас сфатил дека имаат различна визија околу трансфер стратегијата и проектот во иднина.

Сега како прв фаворит за тренерската позиција се спомнува поранешниот француски репрезентативец Патрик Виеира кој од ноември 2024 година е шеф на стручниот штаб на Џенова. Тој е и поранешен фудбалер на Интер чиј дрес го носеше од 2006 до 2010 година, а во договорот со Џенова има откупна клаузула од 500 илјади евра што секако нема да биде проблем за „нераѕурите“.