Енрике го призна поразот: Челси го заслужи трофејот!

14 јули 2025 - 14:27

ПСЖ доживеа дебакл против Челси (0-3) во финалето на Светското клупско првенство, а тренерот Луис Енрике по мечот го призна поразот.

Енрике беше нервозен и го удри Жоао Педро по натпреварот, меѓутоа на прес-конференцијата потоа призна дека противникот заслужено победил.

„Мислам дека Челси играше многу добро и заслужено победи. Го прифаќаме поразот. Мислам дека одигравме многу добар турнир, иако не успеавме да го освоиме трофејот“, кажа Енрике.

Парижаните оваа сезона ги освоија титулите во Лига 1, францускиот Куп и Лигата на шампиони.