Драма на голманот на Барса: Го погребал татко му, па брзал в болница на раѓањето на синот

29 март 2025 - 10:22

Вториот голман на Барселона, Ињаки Пења поминал низ неверојатна животна бура претходните денови.

Минатата недела почина неговиот татко што беше една од причините за минутата молк на завчерашниот натпревар меѓу Барселона и Осасуна на Монжуик. Погребот се одржал во понеделникот, а Пења од гробиштата, брзал в болница каде се наоѓала неговата партнерка Клаудија и на свет го носела нивното прво дете.

Тоа значи дека од погребот на неговиот татко до раѓањето на детето, 26-годишниот голман го делеле само неколку часа. И покрај тоа му беше на располагање на тренерот Ханси Флик за дуелот со Осасуна на кој Барселона славеше со 3-0.