Црвена звезда ќе остане без многу планирани милиони ако игра во Лига Европа

20 август 2025 - 13:09

Целта на Црвена звезда беше да се пласира во лигашкиот дел од Лигата на шампионите, но доживеаа студен туш во Белград откако загубија од Пафос со 2-1.

Кипарскиот тим се покажа како многу квалитетен, па црвено-белите ќе имаат тешка мисија да победат на гостински терен и да обезбедат Лига на шампиони.

Со елиминација од плејофот во ЛШ, Црвена звезда ќе продолжи во лигашкиот дел од Лига Европа, но сумата која ќе ја заработи е двојно помала.

Грубата проекција велеше дека ако Црвена звезда се пласира во Лигата на шампионите, ќе заработи најмалку 30 милиони евра.

А математиката за Лига Европа е двојно помала, ќе треба да се задоволат со околу 15 милиони евра. Што исто така не е мала сума, но не е она што го планираа.

„Разликата е двојна, но добри се приходите и во Лига Европа, околу 15 милиони за нас. Без оглед што Лига Европа можеби е реалноста за Звезда, фокусот и приоритет ни е пласман во Лигата на шампионите“, рече генералниот директор на Црвена звезда, Звездан Терзиќ.