Брајтон е кошмар за Челси - минатата недела го исфрли од Купот, вечерва му одржа нова лекција (ВИДЕО)

14 февруари 2025 - 23:08

За само шест дена, Брајтон два пати го понижи тимот на Челси, по еднаш во ФА Купот и Премиер лигата.

Во неделата славеше во Купот, а денеска го прегази во англиското првенство со 3-0, создавајќи му со тоа многу проблеми во борбата за пласман во топ-4. Митома го отвори резултатот во 27. минута, а потоа со два гола се истакна Минте, двата на асистенција на Дени Велбек.

Брајтон со триумфот привремено се искачи на осмата позиција на табелата со 37 бода, додека Челси остана на 43 и ако утре има победник на мечот меѓу Сити и Њукасл, „сините“ од Стемфорд Бриџ ќе паднат на петтото место.