Барселона сака да го избрка фудбалерот кој го прогласи за наследник на Меси

29 март 2025 - 19:45

Тренерот на Барселона, Ханси Флик пред натпреварот против Жирона зборуваше за ситуацијата со талентираниот Ансу Фати. Младиот шпански фудбалер добива мала минутажа, односно јасно е дека каталонскиот гигант не смета на него.

Фати во минатото беше прогласен за наследник на Лионел Меси, но сериозни повреди го запреа неговиот развој и никогаш не го исполни целосно својот потенцијал.

Договорот со Барселона на Фати му трае до 2027 година, но Флик кажа дека нема да смета на него и клубот ќе се обиде да го продаде по 30 јуни.

Засега не е познато каде би играл во иднина, затоа што нема многу заинтересирани тимови да го откупат неговиот договор.