Барселона не се откажува - повторно побара дозвола за играње на Камп Ноу

05 август 2025 - 18:22

Иако минатата недела доби забрана за организација на натпревари на Камп Ноу додека не се завршат уште некои работи, Барселона испрати ново барање до Градскиот совет да биде дозволено присуство на гледачи за дуелите од Ла Лига.

Конкретно, за мечот со Валенсија кој е закажан за 14 септември и кој треба да биде прв домашен натпревар за Барселона во новата сезона. Промената во однос на претходното барање е на трибините да има не повеќе од 30 илјади, место 60 илјади гледачи како што побара минатата недела. Истото правило би важело и за натпреварот против Гетафе кој е на програмата една недела подоцна.

Понатаму тој капацитет би бил зголемен на 45 илјади гледачи за натпреварите од Ла Лига и Лигата на шампионите, до 60 илјади гледачи во втората фаза од сезоната.

Како резервна варијанта и натаму стои стадионот „Јохан Кројф“, но проблем се натпреварите од Лигата на шампионите каде не е дозволена промена до крајот на сезоната.