Барса сѐ поблиску до „своето дете“, ама ќе мора да плати 60 милиони евра
Медиумите во Шпанија, а последните денови и во Гермманија, тврдат дека се интензивирани контактите меѓу раководството на Барселона и претставниците на Олмо кој во моментов е член на Лајпциг. Неговиот договор е со важност до 2027 година, па бундеслигашот одлучува дали ќе го продаде или не, а откупната клаузула изнесува 60 милиони евра.
Прашање е дали Барселона може да си ги дозволи тие средства во моментов, но Лапорта преку своите соработници се посилно притиска за трансфер на 25-годишниот фудбалер. Олмо е стандарден репрезентативец на Шпанија и претстојното лето ќе настапи на Европското првенство во Германија.