Барса ја доби правната битка со Ла Лига: Олмо и Виктор остануваат регистрирани!

Ла Лига и вчера тврдеше дека Барселона не ги исполнува финансиските услови за да ги регистрира Олмо и Виктор, но судот реши во полза на клубот.

Најпрво беше дозволена привремена регистрација под која двајцата играчи настапуваа, а Ла Лига и Барселона влегоа во спор.

„Каталонците“ не спореа дали ги исполнуваат правилата за Финансиски фер плеј, се насочија на тоа дека ќе им биде прекршено правото на работа на Дани Олмо и Пау Виктор доколку не им биде продолжена лиценцата, и судот им го прифати ова толкување на законите.

Исто така, Барселона спореше дека правилото според кое еден фудбалер не може два пати да биде регистриран во еден ист клуб е одамна застарено и контекстот бил сосема различен кога ова правило било донесено, а судот и ова им го прифати.

Одлуките на судот значат дека двајцата фудбалери се безбедни и ќе ја завршат сезоната.