Астон вила без муниција во Лондон, Брентфорд ги освои бодовите (ВИДЕО)

23 август 2025 - 18:00

Фудбалерите на Астон вила беа поразени на гостувањето кај Брентфорд во второто коло од Премиер лигата, додека до триумф стигна Борнмут против Вулвс со 1-0.

Брентфорд преку Оутара го презема водството во 13. минута, а погоди и во завршницата на првиот дел преку Дамсгард, но голот беше поништен од ВАР-технологијата поради прекршок.

Екипата од Бирмингем се налути во вториот дел и доминираше на теренот, но не искористи ниту една од шансите, иако ги имаше над 10 кон голот на Брентфорд.

Борнмут си запиша победа од 1-0 на домашен терен против Вулвс, а голот го постигна Таверние на стартот на натпреварот.

На последниот меч кој се играше во истиот термин, Барнли го совлада Сандерленд со 2-0.

Фото: Facebook/Brentford FC