Астон вила без милост кон Борнмут, Брентфорд го изненади Њукасл (ВИДЕО)

09 ноември 2025 - 17:21

Фудбалерите на Астон вила остварија убедлива победа од 4-0 против Борнмут, додека Брентфорд со 3-1 го шокира Њукасл во 11. коло од Премиер лигата.

Екипата од Бирмингем беше одлична против Борнмут, па постигна по два погодоци во двете полувремиња. Во првиот дел стрелаа Буендиа и Онана за водство од 2-0 на Астон вила, додека победата ја потврдија Баркли и Мален во вториот дел.

Њукасл добро го отвори мечот против Брентфорд и во 27. минута преку Барнс постигна погодок за водство од 1-0.

Брентфорд израмни на почетокот на вториот дел преку Шаде, а потоа се јави нов проблем за Њукасл откако Брн доби црвен картон. Во финишот од средбата Тиаго со два погодоци ја потврди победата за домаќинот од 3-1.

На останатите натпревари Кристал Палас ремизира против Брајтон (0-0), а Нотингем Форест го надигра Лидс со 3-1.

Standings provided by Sofascore

Фото: Aston Villa