Штутгарт го надигра Аугсбург и им се врати на победите

09 ноември 2025 - 19:52

Фудбалерите на Штутгарт беа подобри од Аугсбург со 3-2 во 10. коло од Бундес лигата, со што се врати во топ-4 во домашниот шампионат.

Првото полувреме понуди атрактивен фудбал и дури четири погодоци во Штутгарт. Аугсбург прв зададе удар преку Ридер во осмата минута, по што Мителштад израмни на 1-1 во 18. минута од пенал.

Гостите повторно ја вратија предноста преку Масенго, по што Ундав во финишот на првото полувреме стрелаше за 2-2.

Ундав беше стрелец и на третиот гол за Штутгарт, со што обезбеди целосен пресврт и победа за домашната екипа.

Фото: VfB Stuttgart 1893