Арсенал подготвува нова кражба, Тотнем повторно ќе биде жртва

25 август 2025 - 16:16

На повидок е нова кражба од страна на Арсенал, а повторно оштетен во случајот би бил Тотнем, исто и како при трансферот на Еберчи Езе, но овој пат станува збор за дефанзивецот Пјеро Инкапие.

Фудбалерот од Еквадор искажа желба да го напушти Баер Леверкузен ова лето, а тоа веднаш го натера Тотнем да испрати понуда од 60 милиони евра, меѓутоа сега во приказната се вклучи и Арсенал.

Понудата на Тотнем од 60 милиони евра, кои требаше да бидат исплатени во четири години, беше одбиена од страна на „фармацевтите“, меѓутоа Арсенал нема проблеми со финансиите и се очекува наскоро да постигне договор со бундеслигашот.

Фото: Arsenal FC/X