Во Кавадарци ќе биде отворена книга на жалост за Андреј Лазаров

Лазаров во кариерата го носеше и дресот на Тиквеш, па на овој начин клубот и градот сакаат да искажат почит.

„Општинскиот фудбалски сојуз – Кавадарци, утре од 9 часот на градскиот плоштад во Кавадарци ќе постави книга на жалост во чест на прерано згаснатиот живот на НАШИОТ ХЕРОЈ – АНДРЕЈ ЛАЗАРОВ  кој даде огромен придонес со своите настапи за ГФК Тиквеш и фудбалот во град Кавадарци. Да дадеме последна почит за вечно да го  паметиме Андреј“, стои во објавата на социјалните мрежи.

Претходно книга на жалост за Лазаров отвори и Горица од каде што фудбалерот летово се пресели во Шкупи.