Тиверија Брера ја прегази Каменица Саса за втор куп трофеј! (ФОТО)

14 мај 2026 - 17:31

Фудбалерките на Тиверија Брера со убедливи 5-0 славеа над Каменица Саса во женска конкуренција на стадионот во Ѓорче Петров со што стигна до својот втор трофеј во ова натпреварување.

Резултатот беше отворен по 28 минути кога Галабоска реализираше пенал, две минути подоцна Николовска стрелаше од слободен удар за 2-0, а веќе по половина час резултатот беше и 3-0 по погодокот на Паневска.

Со предност од 3-0 Тиверија замина на паузата за во продолжение да ја потврдат доминацијата со уште два гола кои беа дело на Бошевска прво во 50-тата, па во 84. минута од средбата.