Шкендија вчера го победи ФЦСБ, денеска игра пријателски натпревар

23 јули 2025 - 10:15

Неполни 24 часа по големата победа против романскиот ФЦСБ во квалификациите за Лигата на шампионите, македонскиот првак Шкендија ќе одигра пријателски меч.

Противник на Градскиот стадион во Тетово ќе ѝ биде Работнички кој минатата недела беше елиминиран во квалификациите за Конференциската лига и се подготвува за стартот на сезоната во домашното првенство. Целта на тренерот Јетон Беќири е против Работнички да добијат шанса фудбалерите кои вчера не играа или имаа мала минутажа, додека останатите ќе работат под посебна програма.

Натпреварот се игра од 18 часот, а ќе биде отворен за сите навивачи на Шкендија кои сакаат да ги поздрават своите фудбалери.