Шкендија му го „украде“ десното крило на големиот ривал Шкупи!

29 јануари 2025 - 11:06

Тетовскиот фудбалски прволигаш Шкендија значајно го засили составот пред продолжувањето на првенството, ангажирајќи го Фабрис Тамба од таборот на директниот ривал Шкупи.

Станува збор за 21-годишно десно крило од Сенегал, кое пристигна во Шкупи пред почетокот на минатата сезона. Тој во досегашните 12 настапи во Првата македонска фудбалска лига (ПМФЛ) постигна три гола и забележа една асистенција.

Тамба кариерата ја започна во Португалија, настапувајќи за младинските категории на Ковиља и Беира Мар. Минатата година премина во Б тимот на Брага, од каде што летоска се пресели во Шкупи.