Ристевски и следната сезона ќе ја предводи одбраната на Пелистер

22 јуни 2025 - 14:16

Македонскиот прволигаш Пелистер се подготвува за новата сезона и веќе почна со формирање на тимот кој ќе треба да се соочи со новите предизвици.

Битолскиот тим соопшти дека одбраната и во сезоната 2025/26 ќе ја предводи 32-годишниот Александар Ристевски.

„Задоволство ни е да го официјализираме продолжувањето на договорот со 32-годишникот, со кого добиваме искуство, квалитет и лидерство во нашиот одбранбен ред“, соопштија од Пелистер.

Ристевски во кариерата играше за Металург, Скопје, Победа, Пелистер, Ренова, Работнички, Брера, Струга Трим Лум и Влазнија.

Фото: ФК Пелистер Битола